ജിഷ വധക്കേസ്: അന്വേഷണ സംഘം കുറ്റപത്രം സമര്പ്പിച്ചു
കൊച്ചി• പെരുമ്ബാവൂരില് നിയമവിദ്യാര്ഥിനി ജിഷ കൊല്ലപ്പെട്ട കേസില് അന്വേഷണ സംഘം കുറ്റപത്രം സമര്പ്പിച്ചു. എറണാകുളം പ്രിന്സിപ്പല് സെഷന്സ് കോടതിയിലാണ് കുറ്റപത്രം സമര്പ്പിച്ചത്. അസം സ്വദേശി അമീറുല് ഇസ്ലാം മാത്രമാണ് പ്രതിസ്ഥാനത്തുള്ളത്. ഇയാള് ലൈംഗിക വൈകൃതത്തിനിടമപ്പെട്ടയാളാണെന്നും കുറ്റപത്രത്തില് പറയുന്നു. കൊലപാതകം, മാനഭംഗം, ദലിത് പീഡനം തുടങ്ങിയ വകുപ്പുകളാണ് ചുമത്തിയിട്ടുള്ളത്.
കഴിഞ്ഞ ഏപ്രില് 28ന് പെരുമ്ബാവൂര് കുറുംപ്പംപടി വട്ടോളിപ്പടിയിലെ കനാല് ബണ്ടിനോടു ചേര്ന്ന അടച്ചുറപ്പില്ലാത്ത വീട്ടില് വച്ചാണു ജിഷ കൊല്ലപ്പെട്ടത്. ഡല്ഹിയില് നിര്ഭയയുടേതിനു സമാനമായി മാനഭംഗത്തിനുശേഷം ജനനേന്ദ്രിയത്തിലും മാരകമായി മുറിവേല്പ്പിച്ചായിരുന്നു ക്രൂരമായ കൊലപാതകം.
പൊലീസിനെയും രാഷ്ട്രീയ നേതൃത്വത്തിനെയും വിവാദച്ചുഴിയില് നിര്ത്തിയ സംഭവങ്ങള്ക്കൊടുവിലാണ് പ്രതി അമീറുല് ഇസ്ലാം എന്ന അസംകാരന് പിടിയിലായത്. കുറുപ്പംപടി പൊലീസാണ് കേസ് റജിസ്റ്റര് ചെയ്തത്.
കേസ് അന്വേഷണത്തിന്റെ ഭാഗമായി 30 േപരെയാണ് പൊലീസ് കസ്റ്റഡിയിലെടുത്തത്. ഇതില് 23 പേരുടെ ഡിഎന്എ സാംപിള് പരിശോധിച്ചു. 1500 പേരെ ചോദ്യം ചെയ്തു. 21 ലക്ഷം ഫോണ്കോളുകളും 5000 പേരുടെ വിരലടയാളവും പൊലീസ് പരിശോധിച്ചിരുന്നു. പ്രതി അമീറുല് ഇസ്ലാമിനെതിരെ ശാസ്ത്രീയ തെളിവുകളിലൂന്നിയാണ് കുറ്റപത്രം തയാറാക്കിയിരിക്കുന്നത്.
No comments:
Post a Comment